12. juni 2025

Gjengen i Horizons Project har vore ein lokal favoritt når dei tidlegare har spelt på Havgaprock, og i år kjem dei attende med sine fantastiske tonar!

Dette er kortreist musikk som spenner frå lette ballader via det pompøse til god klassisk rock! Musikken kategoriserast gjerne som «folkelig prog-rock». Tekstane handlar om draumar, angst, einsamheit, livssyklusar og naturkrefter. Der er lagt stor vekt på gode melodiar i låtane. Bandet kjem frå Sula og Ålesund med base i Sula. Dei har både ein EP, eit album og et par singlar på samvitet. Gjengen har gjort sommerfestivalar tidligare som Jugendfest i 2015, Sommerfesten i 2018 og Havgaprock i 2019 og 2021, og er no spenna klar for ei ny runde med Havgaprock! Det gledast!