22. des. 2024

Etter fleire år med låtar frå Sogn som har blitt festfavorittar, og gamle hits som har sendt dei til toppen av listene i USA og Japan, er det ei glede å ha Ylvis på plakaten for 2025.

Som i suksess-serien “Ylvis i Sogn” tek Vegard og Bård Ylvisåker med seg veslebror Bjarte, saman med eit rått lag av musikarar. Med låtar frå VGTV-serien sin og ei rekkje virale hits på menyen, har vi mykje å gle oss til når komikarane inviterer til fest. Det blir garantert gjenhøyr med gamle slagarar som Stonehenge og Egeland, i tillegg til nyare hits som Skaol Skadle og Firkantfar. Og ingen bør bli overraska om både lunken mat og rev dukkar opp på menyen!

Havgaprock gler oss enormt til å sjå og høyre Ylvis sine mange sprell på Ulla 5. juli neste år!